کومڤەکرنا ھاریکاریا یا بەردەوامە
ژ پێخەمەت پشتەڤانکرن و کێمکرنا رەوشا نالەبار یا خەلکێ رۆژئاڤایێ کوردستانێ ل سەرانسەری پارێزگەھا دھۆکێ ھەوێَن کومکرنا ھاریکاریان بۆ خەلکێ کورد ل رۆژئاڤایێ کوردستانێ ھاتنە سازکرن؛ جودا ل سەنتەرێ پارێزگەھا دھۆکێ ل سنورێ ئیدارەیا سەربەخۆیا زاخۆ ژی ب ھەمان مەبەست ھەوەکا بەرفرە یا کومکرنا ھاریکاریان ھاتە سازکرن.
سەرپرشتێ ئیدارەیا سەربەخۆیا زاخۆ گوھدار شێخۆ ژی راگەھاند؛ پشتی بانگەوازا بەرێز سەرۆکێ حوکمەتێ بۆ ھاریکاریکرنا کوردێن رۆژئاڤایێ کوردستانێ گەھشتیە دەستێ وان ؛ ئیدارەیا سەربەخۆیا زاخۆ ژی ب رێکا وەلاتیێن دلسۆز یێن زاخۆ شیان ھاریکارەیەکا بەرچاڤ بۆ خەلکێ رۆژئاڤایێ کوردستانێ کوم بکەن کۆ ئەو ھاریکاری د ھەمەجورێن و گرێداێی ژین و ژیارا وەلاتیانە و گوت ژی : ھنارتنا ھاریکاریان بۆ رۆژئاڤایێ کوردستانێ دێ بەردەوام بیت؛ ھندی رۆژئاڤا پێتڤی ب مە ھەبیت.
