ژبەر بریارەکا حکومەتا ئیراقێ لڤینا بازرگانی کێم بوویە
لەتیف عوسمان، سەرۆکێ ژوورا بازرگانی ل ئیدارەیا سەربخوە یا زاخۆ دیارکر کو ژبەر بریارەکا حکومەتا ئیراقێ بێی ڕاوێژا حکومەتا ھەرێما کوردستانێ لڤینا بازرگانی ل دەرگەھێ سنۆری یێ ئیبراھیم خەلیل ب ڕێژا ٥۰٪ کێم بوویە.
ناڤھاتی ئاماژە ب وێ چەندێ ژی کر کو ل گورەی ڤێ بریارێ کو ناڤێ وێ ئەسیکۆدایە ئەو بارێن کەلوپەلان ئەوێن ژ تورکیا و ژ دەرڤە دھێنە ھەرێما کوردستانێ و ئیراقێ حەوالە ژ بۆ مەنافیستێن وان ل تورکیا و ژ دەرڤە ناھێنە چێکرن، و ھەروەسان بھایێ دولاری ژی گران بوویە، ڤێ چەندێ کارتێکرن ل بازرگانان و لڤینا بازرگانی کریە.
گۆت ژی: سەرەڕای ڤێ بریارێ حکومەتا ئیراقێ ب ڕێژا ٥٪ ھەتا ۳٥٪ باج ل سەر ئینانا کەلوپەلان ژ تورکیا و ژ دەرڤە زێدەکریە ژبەر ڤێ چەندێ ل داھاتی دێ بھایێ کەلوپەلان گران بیت و ئەڤ چەندە دێ کارتێکرنەکا مەزن ل سەر ژیانا وەلاتیان کەت
زێدەتر ژی گۆت: ئەم داخوازێ ژ حکومەتا ھەرێما کورستانێ دکەین کو ب ھەڤکاری لگەل حکومەتا ئیراقێ چارەسەریەکێ ل ڤی بابەت بکەن داکو وەلاتی و بازرگان ژ ڤێ بڕیارێ زەرەرمەند نەبن
