ل ئاکرێ سالا بووری ٢٥ جھێن شوونەواری و دیرۆکی ھاتینە تێکدان

ھیوا شەمال، رێڤەبەرێ شوونەوارو کەلەپۆرێن ئاکرێ گۆت : جھێن شوونەواری ل دەڤەرا ئاکرێ زۆرن وەک گوندێ شوش و گوندک و دەوروبەرێن ئاکرێ گرێن شوونەواری ھەنە و دەوروبەرێ دەڤەرا بەردەڕەش مە گەلەک جھێن شوونەواری و گورستانێن کەڤنار ھەنە و جۆرا جۆر زێدەگاڤی ل سەر ڤان جھێن شوونەواری دھێتەکرن و ئەم دخاز دکەین وەک رێڤەبەریا شوونەواران رێک ل ڤێ دیاردێ بھێتەگرتن.
ناڤبری گۆتژی : پاراستنا جھێن شوونەواری بتنێ ئەرکێ حکومەتێ نینە بەرپرسیارەتیەکا نیشتمانی و جڤاکی یە، پێدڤیە ل دووڤ یاسایا شوونەواران تاوانبار بھێنە دەستەسەرکرن و سزادان.
ناڤھاتی گۆت: سالا بووری ١٥ کەس ھاتینە دەستەسەرکرن سەرا تێکدانا جھێن شوونەواری، بەلێ دیارە سزایێن یاسایی نەبووینە رێگر ل بەرامبەر وان کەسێن کو بۆ دەستکەفتەکێ ماددی یێ کێم ناسنامەکا ھزار سالی ژ ناڤ دبەن