گەشتوگوزار بابەتێ سەرەکی ل قەزا باتیفا

ڕێڤەبەرێ گشتی یێ گەشتوگوزارا ئیدارەیا سەربخوە یا زاخۆ ڕاگەھاند؛ بۆ مە وەک گەشتوگوزار بابەتێ سەرەکی ل قەزا باتیفا دارشتنا ماستەر پلانێ یە. قەزا باتیفا ئێک ژ وان قەزایانە کو ل سەر ئاستێ کوردستانێ وەک باشترین قەزا گەشتیاری دھێتە ل قەلەمدان، کو ب ڕێژەیا پتری ٧٠٪ قەزا باتیفا گەشتیارییە.
چیا ئەمین، ڕێڤەبەرێ گشتی یێ گەشتوگوزارا ئیدارەیا سەربخوە یا زاخۆ دیارکر؛ ژ وان بابەتێن گرنگ بۆ قوناغا بھێت ل قەزا باتیفا، مە دگەل سەرپەرشتێ ئیدارەیا سەربخوە یا زاخۆ “گۆھدار شێخۆ” گوتوبێژ کرییە کو ھندەک پێشنیارێن پێشوەخت ھاتینە دان، کو ژ گوندێ کەشانێ ھەتا گوندێ سوریا، و ژ گوندێ دێمکا ھەتا گوندێ دێریشکێ ب دروستی ببنە جھێن گەشتوگوزاری ل سەر بنیاتەکێ زانستی کو کێمتر نەبیت ژ کورنیشێ زاخۆ.
گۆت ژی: “ب حوکمێ وێ چەندێ کو ئیمناھی ل دەڤەرا باتیفا بەرقرار بوویە، دێ کارێن باشتر لێ ھێنە کرن و مە ھزر ل ڤەکرنا بازارەکێ بەرھەمێن ناڤخۆیی ژی کرییە وەکو بازارێ کەڤن یێ زاخۆ بیت، کو گرنگی ب کارێ دەستی بھێتە دان و فرۆتنا بەرھەمێن ناڤخۆیی وەکو ھنگڤینێ خۆمالی، فێقیێن ھشک و کەسکاتییان، کو ب ڤی بازاری ب دروستی سیمایێ قەزابوونا باتیفا دیار ببیت