١٠ ھزار یۆرۆ پێشکێشی کلینیکا سنوونێ ل زانکۆیا دھۆک دکەت

د پێنگاڤەکا مرۆڤایەتی یا بوھادار دا، رێڤەبەرا کارگێری و بسپۆرا رێڤەبرنا ساخلەمیێ ل کلینیکا ناڤدارا ئەلمانی (MEDICLIN)، خانم مۆنا کزلھان، پشتەڤانیەکا دارایی ب گوژمێ ١٠,٠٠٠ یۆرۆیان پێشکێشی کلینیکا سنوونێ یا سەر ب پەیمانگەھا چارەسەریا دەروونی و تراومایێ (IPP) ڤە ل زانکۆیا دھۆک کر.
عسمەت مەحمود، رێڤەبەرێ راگەھاندنا زانکۆیا دھۆک دیار کر: کو چەکێ پشتەڤانیێ ب فەرمی ل نڤیسینگەھا سەرۆکاتیا زانکۆیێ و ب ئامادەبوونا پ. د. داود سلێمان ئەتروشی، سەرۆکێ زانکۆیا دھۆک ھاتە رادەستکرن.
رێڤەبەرێ راگەھاندنێ زێدەتر گۆت: ئەڤ گوژمێ پارەی د چارچۆڤێ کۆنسێرتەکا خێرخوازی یا (کۆما ئامەد) دا ل کۆچکا شاھانە یا باژێرێ شتوتگارت ل ئەلمانیا ھاتیە کۆمکرن و مەرەم ژ ڤێ پشتەڤانیێ ئەوە بشێن خزمەتەکا باشتر پێشکێشی وان قوربانیێن دەستێ تیرۆرێ بکەن یێن کو سەرەدانا کلینیکا سنوونێ دکەن ب مەرەما وەرگرتنا چارەسەریێن دەروونی