وەزارەتا کارەبێ: دووماھی زڤستانە دێ ئاریشا کارەبێ چارەسەر ببیت
ئەردەلان دۆسکی، رێڤەبەرێ گشتییێ دیوانا وەزارەتا کارەبێ دیار کر ل گۆرەی پێشنیا وان ئەڤ سالە، دووماھی زڤستانە کو ئاریشا کارەبێ ھھبیت و دووماھیا ئەڤ سالە دگەل تەمام بوونا پڕۆژێ رۆناھی دێ ئاریشا کارەبێ ژی ب دووماھی بھێت، مینا وەلاتێن پێشکەفتی دێ بینە خوەدیێ کارەبا ٢٤ دەمژمێری، کارەبا تنێ بۆ وەرزێ زڤستانێ نەھاتیە دابین کرن، بەرۆڤاژی کارەبا بۆ ھەر چوار وەرزێن سالێ یە، بەلێ ھندەک جاران ئاریشەیێن تەکنیکی بۆ کارەبێ پەیدادبن و ل زۆربەیا وەلاتێن جیھانێ ژی ئاریشەیێن تەکنیکی بۆ کارەبێ پەیدا دبن.
زێدەتر گۆت: تیمێن مە بەردەوام د کاردانە بۆ چارەسەرکرنا ئاریشەیێن تەکنیکی یێن کارەبێ، رێژەیەکا زۆرا باش ل ھەموو دەڤەران مفاداربووینە ل پڕۆژێ رۆناھی ئەم یێ پێش پلانێن خوە کەفتی و ئەو جھێن مای ژی کار یێ تێدا دھێتەکرن بۆ ڤێ چەندێ کارەبا دەمژمێری بۆ بھێتە دابین کرن
